Автозавод районы хакимияте вәкилләре Нинэлла Аюповна Зыбинаны туган көне белән котладылар. Бөек Ватан сугышы ветераны, тыл хезмәтчәне һәм педагог ил һәм республика җитәкчелегеннән җылы котлаулар кабул итте.
Нинэлла Зыбинаның тормыш юлы – гаҗәеп чыдамлык үрнәге. Ул Алабугада күп балалы репрессияләнгән гаиләдә туган. Шул еллардагы авырлыкларга карамастан, ул Алабуга укытучылар институтын һәм Казан педагогия институтының тарих факультетын тәмамлап, югары белем алган. Бөтен гомерен балаларга багышлаган, Морты авылында тарих укытучысы булып эшләгән.
1950 елда фронтовик Алексей Яковлевичка кияүгә чыккан. Алар бергәләп өч бала тәрбияләп үстергәннәр. Бүген ветеран зур гаиләнең бәхетле учак сакчысы: аның 6 оныгы һәм 5 оныкчыгы бар.
Автозавод районы хакимияте хезмәткәрләре юбилярга Россия Президенты Владимир Путиннан, Татарстан Республикасы Рәисе Рөстәм Миңнехановтан һәм шәһәр мэры Наил Мәһдиевтән шәхси котлау адресларын тапшырдылар. Нинэлла Зыбина «1941–1945 еллар Бөек Ватан сугышында фидакарь хезмәте өчен» медале һәм күпсанлы юбилей бүләкләре белән бүләкләнгән.
При использовании информации просьба ссылаться на Управление информационной политики и по связям с общественностью.
Дүшәмбе, 27 июль 2026, 16:25