Ике Яр Чаллы депутаты Россия Федерациясе саклану министрлыгыннан бүләкләр алды

Россия Федерациясе саклану министрлыгы боерыгы буенча «Генерал-лейтенант Павлов» медале белән депутатлар корпусы вәкилләре бүләкләнделәр. Бу тармак бүләге Ватаныбызның мәнфәгатьләрен һәм куркынычсызлыгын саклаучы хәрби хезмәткәрләрне тәэмин итү буенча бурычларны үтәүгә актив ярдәм, хуплау һәм шәхси өлеш керткән өчен бирелә.

Югары бүләкләргә Шәһәр Советы депутатлары: «Управляющая компания «ТРИО ГРУПП» генераль директоры Иван Кузьмин һәм «АР СИ ЭР» компаниясе генераль директоры Константин Павлов лаек булдылар.

Шәһәр Советы депутатларын бүләкләү тыл һәм фронт арасындагы өзелмәс бәйләнешне ассызыклый, шулай ук Яр Чаллы эшлекле берләшмәсенең һәм депутатлар корпусының Ватан сакчыларын хуплау уртак эшенә керткән бәһасез өлешен тану булып хезмәт итә, дип билгеләде Наил Мәһдиев:

«Без моның никадәр мөһим икәнен күрәбез. Еш кына мин һәм хезмәттәшләрем гамәлдәге армиядә, хезмәт составы арасында булабыз, һәм, һичшиксез, командирларның, Саклану министрлыгының игътибарыннан сезнең ярдәмегез читтә калмый.

Кичә мин эш сәфәреннән кайттым. Монда катнашучы хезмәттәшләребезнең, Шәһәр һәм Дәүләт Советлары депутатларының, шулай ук берничә предприятие җитәкчеләренең ярдәме белән Кара диңгез флоты хезмәт составына шефлык ярдәме формалаштырылды. Искә төшерим, озак еллар дәвамында Яр Чаллы Кара диңгез флотының берничә хәрби частьләре һәм подразделениеләре белән шефлык итә. Флотта безнең шәһәр исемен йөртүче сугыш корабле хезмәт итә, ә «Набережные Челны» сугыш катеры экипажы, шул исәптән шәһәребез кешеләреннән тупланган. Мин якташларыбыз белән очраштым, аларга матди-техник чаралар, приборлар һәм җиһазлар – бүген кирәк булган барысын да тапшырдым. Шулай ук Кара диңгез флотының хәрби-диңгез базасы җитәкчелеге белән очрашу булды, аңа да без ярдәм һәм хуплау күрсәтәбез. 

Сезгә, хөрмәтле хезмәттәшләр, бөтен шәһәр җәмгыятенә һәм Шәһәр Советы депутатларына флотыбызга күрсәтелә торган әһәмиятле ярдәм һәм хуплау өчен зур рәхмәт белдерәм».