«Заман» яшьләр үзәгендә «Мәктәпкә әзерләнергә ярдәм ит» хәйрия акциясе узды, аның кысаларында Яр Чаллы партнерлары һәм предприятиеләре яңа уку елы башланганчы балаларга мәктәп җыелмаларын тапшырды.
Чараны оештыручылар булып шәһәр предприятиеләре һәм оешмалары Яшьләр советы, Автозавод районы хакимияте һәм «Заман» яшьләр үзәге чыгыш ясады. Партнерлар ярдәме белән балалар файдалы бүләкләр генә түгел, ә шатлыклы хисләр дә алдылар.
Мәктәп җыелмаларын балаларга Россия Федерациясе Социаль фондының Татарстан Республикасы буенча Бүлекчәсе, Үсеш дирекциясе, Яр Чаллы җылылык челтәрләре, «Ремдизель», Двигательләр заводы, «ДомКор» компаниясе, Яр Чаллы Җылылык электростанциясе, «КАМАЗ»ның Изге эшләр лигасы, Тимер Кою заводы, АЗК, «Челны–Бройлер» компаниясе һәм «Заман» яшьләр үзәге вәкилләре тапшырды.
Бәйрәм атмосферасын иҗат коллективлары үзләренең чыгышлары белән тудырды. Оештыручылар барлык катнашучыларга рәхмәт белдерделәр һәм мәктәп укучыларына кызыклы уку елы, яңа җиңүләр һәм күңелле тәнәфесләр теләделәр.
При использовании информации просьба ссылаться на Управление информационной политики и по связям с общественностью.
Чәршәмбе, 26 август 2026, 08:20