«СВОй бизнес» программасына гаризалар кабул итү тәмамлана

«СВОй бизнес» федераль программасы буенча уку 7-11 сентябрь көннәрендә Яр Чаллыда узачак. Проектның максаты – демобилизацияләнгән сугышчыларга һәм аларның якыннарына эшмәкәрлек аша гражданлык тормышына адаптацияләнергә ярдәм итү.

Катнашу өчен гаризаны МСП.РФ Цифрлы платформасындагы махсус сервис аша бирергә мөмкин. Оештыручылар булып «Бердәм Россия», «ОПОРА РОССИИ» һәм Кече һәм урта эшмәкәрлек корпорациясе Татарстан Республикасы Хөкүмәте ярдәмендә чыгыш ясый.

«Программа үзенең нәтиҗәлелеген исбатлады: бөтен ил буенча программаны тәмамлаучыларының 45%ы инде бизнес ачкан яки үз эшен яңа дәрәҗәгә күтәргән», – дип билгеләде Дәүләт Думасы депутаты Әлфия Когогина.

Дәресләр «Союзники» уку үзәгендә (Хәсән Туфан проспекты, 8) узачак. Тәҗрибәле остазлар җитәкчелегендә катнашучылар эшмәкәрлек нигезләрен, базарны бәяләүне, юридик аспектларны, салым салуны һәм дәүләт ярдәме чараларын өйрәнәчәкләр. Программа тыңлаучыларны идея тудырудан башлап беренче сатуларга кадәр алып барырлык итеп төзелгән. Шулай ук чын предприятиеләргә визитлар планлаштырылган. Интенсив авторлык бизнес-планнарын яклау һәм сертификатлар тапшыру белән тәмамланачак.