Наил Мәһдиев һәм республика сәламәтлек саклау министры Ашыгыч медицина ярдәме хастаханәсе уңышларын бәяләделәр

Р.С. Акчурин исемендәге Ашыгыч медицина ярдәме хастаханәсендә медицина советы президиумын шәһәр мэры Наил Мәһдиев, Татарстан сәламәтлек саклау министры Әлмир Абашев, Сәламәтлек саклау идарәсе башлыгы Рөстәм Ногманов, шәһәр хастаханәләре һәм поликлиникалары баш табиблары, республиканың үзәк район хастаханәләре баш табиблары җитәкләделәр. Медицина учреждениесенең алдынгы технологияләрне кертү һәм пациентлар сәламәтлеген саклау буенча масштаблы эше гражданнарның сәламәт озын гомер чорын арттыруга юнәлдерелгән «Озын һәм актив тормыш» милли проекты кысаларында да алып барыла.

Наил Мәһдиев коллективның уңышларын чыгышында билгеләп үтте: «Ярты миллионлы Яр Чаллы шәһәре исеменнән сезнең эшегез өчен рәхмәт һәм ихтирам сүзләрен белдерергә телим. Сезнең хезмәт нәтиҗәләрегез, көч куйган тырышлыкларыгыз, коллективның һәм хезмәттәшләрегезнең нәтиҗәләре Россия, Татарстан, шәһәр дәрәҗәсендә шулкадәр югары бәяләнүе бик күркәм, бу – сезнең казанышыгыз. Тагын бер тапкыр Яр Чаллы шәһәреннән, халыктан эшләгәнегез өчен зур ихлас рәхмәт әйтәсем килә».

Республика сәламәтлек саклау министры Әлмир Абашев ассызыклады: «Әйтеп үтәргә телим: сез бик яхшы эшлисез – югары технологияле үзәк, югары технологияле сектор эзлекле һәм ышанычлы үсә – трансплантацияләр саны арта, яңа технологияләр барлыкка килә. Сез, һичшиксез, Татарстан Республикасының әйдәп баручы йөрәк-кан тамырлары үзәкләренең берсе, һәм бүген сез моны мондый операцияләр санының артуы белән раслыйсыз».

Р.С. Акчурин исемендәге  Ашыгыч медицина ярдәме хастаханәсенең баш табибы Роман Джумабаев хезмәттәшләренә мөрәҗәгать итте: «Безнең төп казанышыбыз – хисаплардагы саннар түгел, ә нәкъ менә сезнең фидакарьлегегез, һөнәрилегегез һәм кешелекле җылылыгыгыз ярдәмендә сакланып калынган йөзләгән һәм меңләгән кеше тормышлары, хөрмәтле хезмәттәшләр. Аралык нәтиҗәләрне чыгарып, без узган юлны бәяләп кенә калмыйбыз, ә яңа ориентирлар билгелибез. Алда – амбицияле бурычлар: реанимация блогын модернизацияләү, персоналның өзлексез уку программаларын көчәйтү».

Советта кадрлар мәсьәләсенә аерым игътибар бирелде. Ярым ел эчендә хастаханәгә 25 табиб һәм 75 урта медицина персоналы белгече кабул ителгән, аларның 43е – югары уку йортлары тәмамлаучылары. Табиблар белән гомуми тулыландыру 70%ка (262 кеше), урта медицина персоналы белән – 81%ка җиткән. Ашыгыч медицина ярдәме хастаханәсе Казан дәүләт медицина университетының клиник кафедрасында укуның икенче елын 8 студент һәм 8 ординатор уңышлы тәмамлаган. Учреждение тарихын саклауда мөһим этап булып майда беренче баш табиб Ирек Гасым улы Ишкинеевның бюстын тантаналы ачу булды.

Ярым еллык саннар хастаханәнең иң эре медицина үзәге буларак статусын раслый. 36,5 мең мөрәҗәгать кабул ителгән, стационарда 12 750 пациент дәваланган, 7 682 операция башкарылган, аларның 5,5 меңгә якыны – ашыгыч ярдәм. Кабул итү бүлегендә хирурглар (30%), кардиологлар (23%), нейрохирурглар (21%) һәм травматологлар (13%) лидерлык итә. Госпитализацияләр рейтингында кардиология (54%) алда. Нейрохирургия бүлеге республиканың төньяк-көнчыгышында балаларга махсуслаштырылган ярдәм күрсәтүче бердәнбер бүлек булып кала.

Региональ кан тамырлары үзәге уңай динамиканы саклады: инсультларда тромболитик терапияне 848 пациент үткән. Диагностика хезмәте 17,5 меңнән артык УЗИ, 61 меңгә якын рентген һәм 4 меңгә якын эндоскопик тикшеренү башкарган, аларның 70%ы – седация ярдәмендә. Клиник-диагностика лабораториясе 2,7 млннан артык анализ үткәргән.

Югары технологияле ярдәмне 1 000нән артык кеше алган. Трансплантология үсеше дәвам итә: 8 йөрәк һәм 10 бөер күчереп утыртылган. Хирурглар берничә инновация керткән. Рентгенохирурглар Үпкә артериясенең тромбоэмболиясе авыруында транскатетерлы фокуслы ультратавыш тромболизисын беренче тапкыр кулланганнар, кардиохирурглар – ритм һәм клапаннарның кушма патологиясен миниинвазив дәвалауны. Травматологлар бот буынын туры алгы кечкенә размердагв кисү аша алыштыруны үзләштергән, ә хирурглар «тамыр фаҗигасе»н булдырмауның яңа методикасын кулланганнар. Онкодиспансер белән берлектә баш мие шешләре булган пациентларны дәвалауның тизләтелгән маршруты эшләтеп җибәрелгән.

Р.С. Акчурин исемендәге  Ашыгыч медицина ярдәме хастаханәсе медицина туризмын актив үстерә: хастаханәдә 17 илдән 488 пациент ярдәм алган. Республика Сәламәтлек саклау министрлыгы һәм спонсорлар ярдәме белән дәвалау үзәге ике яңа УЗИ аппараты, югары технологияле рентгенохирургия корылмасы, патологоанатомия бүлеге өчен микротом һәм юучы-роботлар белән тулыландырылган.

Медсоветның рәсми өлеше бүләкләү тантанасы белән тәмамланды.

Югары һөнәрилеге һәм «Призвание» Бөтенроссия премиясенең «Медицинада фидакарьлек өчен» номинациясендә җиңүе өчен шәһәр Мэрының рәхмәте баш табибның дәвалау эше буенча урынбасары Антонина Александровна Панинага, табиблар – Юрий Николаевич Марковка, Радик Рашид улы Хафизовка, Лилия Александровна Шәкәрҗановага һәм Андрей Александрович Фадеевка, шулай ук бүлек мөдирләре – Евгений Сергеевич Думаньянга, Булат Искәндәр улы Заһидуллинга һәм Рамис Әнвәр улы Якубовка игълан ителде.

Югары һөнәрилеге һәм «Врач года-Ак Чәчәкләр 2026» Республика конкурсының «Синергия здоровья: сила команды в действии» номинациясендә җиңүе өчен Татарстан Республикасы Сәламәтлек саклау дәүләт автономияле учреждениесе берләшмәсе «Р.С. Акчурин исемендәге  Ашыгыч медицина ярдәме хастаханәсе» шәһәр Мэрының рәхмәт хаты белән бүләкләнде.

Шәһәр Мэрының рәхмәте югары һөнәрилеге һәм «Врач года-Ак Чәчәкләр 2026» Республика конкурсының «Яшь гвардия» номинациясендә җиңүе өчен анестезиолог-реаниматолог-табиб Юрий Николаевич Марковка игълан ителде. Татарстан Республикасы Сәламәтлек саклау министрлыгының Мактау грамотасы белән шәфкать туташлары Илона Аницет кызы Алексеева һәм Августа Семен кызы Несмелова бүләкләнде.

Мэрның Рәхмәте белән билгеләп үтелделәр: фельдшер-лаборант Гөлнар Сәлих кызы Гамируллина; шәфкать туташы Фәйрүзә Габделбарый кызы Миңнегалимова; табиб-кардиолог Лира Фанил кызы Хурматуллина. Башкарма комитет җитәкчесенең Рәхмәтен медицина теркәүчесе Татьяна Михайловна Прохорова алды.

Югары һөнәри казанышларны иҗтимагый тану билгесе һәм намуслы хезмәтләре өчен Татарстан Республикасы Электрон Мактау тактасы Таныклыклары бүлек мөдирләренә – Булат Искәндәр улы Заһидуллинга, Венера Рафкат кызы Маныловага, Андрей Геннадьевич Соболевка, Николай Николаевич Соловьевка, Наилә Саидаһмәт кызы Станиченко, Васил Фәрит улы Фәзыловка, Гөлнара Марат кызы Хәйретдиновага һәм Рамис Әнвәр улы Якубовка; табибларга – Антон Александрович Акимовка, Гармә Бадмаевич Майоровка, Нурия Шәгаип кызы Мурзахановага, Әхнәф Барый улы Фәйзуллинга һәм Ирик Илдар улы Шәриповка; өлкән шәфкать туташларына – Луиза Галиәсгар кызы Карташовага, Валентина Владимировна Новиковага һәм Любовь Александровна Ревишнинага; шәфкать туташларына – Долфия Әхнәф кызы Васильевага, Ризидә Алмаз кызы Мөхәмәдиевага һәм Лена Васильевна Ситдиковага; рентгенолаборант Кадрия Алексей кызы Никитинага тапшырылды.

Чараның фотолары ВК шәһәр хакимиятенең рәсми төркемендә урнаштырылган.