«Ватанны саклаучылар» махсус хәрби операциядә катнашучыларны хуплау буенча дәүләт фондының Татарстан Республикасы буенча филиалы махсус хәрби операция ветераннарына һәм һәлак булган сугышчылар гаиләләренә шәхси социаль яклауны гамәлгә ашыра. Оешма Россия Федерациясе Президентының 03.04.2023 елдагы 232 номерлы Указын үтәү буенча төзелгән.
Фондның төп максаты – махсус хәрби операция ветераннарына һәм һәлак булган сугышчылар гаиләләренә шәхси социаль озату күрсәтү. Фонд тиешле ярдәм чараларын алуда ярдәм итә, алар медицина һәм социаль реабилитацияне, дарулар белән тәэмин итүне, психологик ярдәмне, реабилитациянең техник чараларын бирүне һәм санаторий-курорт дәвалануын, шулай ук ветераннарны яңадан укытуда һәм эшкә урнаштыруда ярдәм итүне үз эченә ала. Төбәкләрдә махсус хәрби операция ветераннары һәм һәлак булган сугышчылар гаиләләре белән махсус әзерлек үткән социаль координаторлар эшли.
Татарстан Республикасы халкының фонд эшчәнлеге турында хәбәрдарлыгын арттыру максатыннан филиал төбәк мәгълүмат ресурсларында белешмә-мәгълүмат материалларын урнаштыру буенча эш алып бара.
Барлык мәгълүматны 117 номеры (өстәмә 1) буенча алырга мөмкин.
При использовании информации просьба ссылаться на Управление информационной политики и по связям с общественностью.
Җомга, 4 сентябрь 2026, 07:00