Яр Чаллыда федераль белем бирү программасы «СВОй бизнес»ның тантаналы ябылуы узды. Проект махсус хәрби операция ветераннарының һәм аларның гаиләләренең эшмәкәрлек инициативаларын хуплау өчен эшләнгән. Атна башында, программаны ачу церемониясендә, катнашучыларны шәһәр мэры Наил Мәһдиев сәламләгән иде.
«Федераль проект ярдәмендә сез махсус хәрби операция зонасыннан кайткач, гражданлык тормышына яңа караш белән карадыгыз. Ә “гражданка”дагы тормыш – бу, һичшиксез, икътисад, социаль-мәдәни өлкә һәм тыныч иҗат. Ышанам, бу көннәрдә алган белемнәрегез сезнең алга таба көндәлек тормышыгызда файдалы булачак», – дип ассызыклады шәһәр мэры.
Программа катнашучыларын курс тәмамлау белән Россия Федерациясе Дәүләт Думасы Комитетының кече һәм урта эшмәкәрлек буенча рәисе беренче урынбасары Әлфия Когогина котлады. Ул проектның төп максаты – үз эшен ачарга булган сугышчыларны озату икәнен ассызыклады. Моннан тыш, сертификатлар тапшыру белән бергә һәр ветеранга Кече һәм урта эшмәкәрлек корпорациясеннән куратор һәм җирле эшмәкәрләр арасыннан шәхси остазлар беркетеләчәк.
«“Билге куяр өчен” формаль курслар түгел бу. Без еллар буе эшләячәк озату системасын тудырабыз. Шуңа күрә бүген без чыгарылыш укучыларыбыз белән хушлашмыйбыз», – дип билгеләде Әлфия Когогина һәм Яр Чаллыда дус мохит тудырылганын, шәһәр хакимиятенең эшмәкәрлекне хуплавын ассызыклады.
«СВОй бизнес» проектының төп максаты – катнашучыларга кирәкле эшмәкәрлек компетенцияләрен бирү, аларга үз бизнесын башларга һәм эшмәкәрлек дөньясына адаптив керергә ярдәм итү, бу шәһәрнең һәм Татарстан Республикасының икътисадый потенциалын ныгытуга булышлык итә.
Программа биш көнлек интенсив форматында узды, ул бизнес төзүнең барлык төп этапларын колачлады: эшмәкәрлек нигезләре һәм бизнес-идеяләр генерацияләү; базарны һәм максатлы аудиторияне бәяләү; бизнес алып баруның юридик аспектлары; салым салу һәм отчетлылык, финанс планлаштыру һәм дәүләт ярдәме чаралары.
Укуда программа кысаларында практик өлешкә аерым игътибар бирелде. Тыңлаучылар бизнес-процессларны эчтән танышу өчен шәһәрнең гамәлдәге предприятиеләрендә булдылар. Бизнес-визитлар маршрутына «Луч» җитештерү предприятиесе, «Джек» автомәктәбе, «Элис» ателье-бутигы, «Хом офис» коворкинг-үзәге, «Я сам» балалар үсеш үзәге, шулай ук «Теплица Ди» һәм «Дом флористики Лии Галимовой» чәчәк кибетләре керде.
Программаның технологик һәм эксперт партнеры булып Сбербанк чыгыш ясады. Банк катнашучыларга кече бизнес өчен цифрлы продуктларга, ясалма интеллект нигезендәге чишелешләргә ирешү мөмкинлеген бирде һәм һәр проектны шәхси менторлык озатуын тәэмин итте. «СВОй бизнес» программасын хуплау Сбербанкның Татарстанда эшмәкәрлек мохитен үстерү буенча чираттагы адымы булды.
Укуның финал этабы булып эксперт комиссиясе алдында үз бизнес-планнарын яклау булды. Уңышлы презентацияләр нәтиҗәләре буенча барлык 34 катнашучы да программаны узу турында сертификатлар һәм үз бизнес-проектларын эшләтеп җибәрергә әзерлек алдылар.
При использовании информации просьба ссылаться на Управление информационной политики и по связям с общественностью.
Җомга, 11 сентябрь 2026, 14:30