Яр Чаллыда коммуналь хуҗалыкны һәм юл-транспорт инфраструктурасын алдагы җылыту сезонына планлы әзерләү дәвам итә. Башкарыла торган эшләр барышы турында шәһәр хуҗалыгы һәм халык яшәешен тәэмин итү идарәсе башлыгы вазыйфаларын башкаручы Равил Гозәеров хәбәр итте.
Җылылык тәэминаты объектларын әзерләү кысаларында Яр Чаллы җылылык электр үзәге 13 пар энергетик казанының 9ына агымдагы ремонт башкарылган.
Хәзерге вакытта җылылык челтәрләренең тыгызлыкка һәм ныклыкка гидравлик сынауларының тәмамлаучы, җиденче этабы башланды. Агымдагы елда тикшерүләр барышында 169 ватык ачыкланып, тиз арада ремонтланган, челтәрләрнең бөтенлеге тулы күләмдә торгызылган.
2026 елгы планнарга 18 погон километр җылылык челтәрләрен ремонтлау һәм реконструкцияләү кертелгән, бу аларның гомуми озынлыгының 2,19%ын тәшкил итә. Су белән тәэмин итү һәм су чыгару челтәрләрен яңарту эшләре «Челныводоканал»ның производство һәм инвестиция программалары кысаларында башкарыла, анда инде 0,8 км су чыгару объектлары реконструкцияләнгән, шулай ук «Коммуналь инфраструктураны модернизацияләү» федераль проекты кысаларында. РФ Хөкүмәтенең 30.11.2024 елдагы 1698 номерлы карарына туры китереп бергә финанслана торган федераль программа буенча чаралар шәһәрнең 15 объектында гамәлгә ашырыла. Параллель рәвештә торак фондын әзерләү тәмамлана: күпфатирлы йортларны капиталь ремонтлау буенча төзелеш-монтаж эшләрен башкару бүгенге көндә 90,47% тәшкил итә.
Аерым өстенлекле юнәлеш булып юл-транспорт инфраструктурасын кышкы чорда эшләүгә әзерләү тора. 2026 елда автомобиль юлларын кышкы тотуга муниципаль контракт «Автомобиль юллары предприятиесе» белән төзелгән. Юл япмасын эшкәртү өчен уртача сезонлы чыгым 2 мең тоннадан артык булганда 4 000 тонна техник тоз, 3 000 тонна елга комы, 140 тонна ком-тоз катнашмасы һәм 240 кубометр сыек реагент әзерләнгән. Урам-юл челтәрен чистарту һәм эшкәртү өчен 167 берәмлек махсуслаштырылган техника җәлеп ителәчәк. Көндезге сменада линиягә 160тан артык машина һәм 120дән артык юл эшчесе чыгару планлаштырыла, төнлә – 80нән 100 берәмлеккә кадәр спецтехника.
Шәһәр мэры Наил Мәһдиев җылылык җитештерү һәм ташу өлешендә барлыкка килергә мөмкин мәсьәләләр булуы белән кызыксынды. Мэр муниципаль учреждениеләргә игътибарны юнәлтте.
Наил Мәһдиев тагын бер тапкыр барлык карамагындагы оешмаларда җылылыкны кабул итүгә әзерлекне тикшерү үткәрергә катгый таләп итте. Аның сүзләренә караганда, бу, беренче чиратта, сәламәтлек саклау объектларына (стационарлар, ашыгыч медицина ярдәме хастаханәләре, Кама балалар медицина үзәге, шулай ук өлкәннәр һәм балалар поликлиникалары), белем бирү учреждениеләренә кагыла. Мэр бу объектларның җылылык белән өстенлекле тәртиптә тәэмин ителергә тиешлеген ассызыклады:
«Җылы чор тәмамланырга мөмкин, һәм, ихтимал, бу атна соңгы җылы атна булачак. Без тышкы һава температурасының кискен төшүенә әзер булырга тиеш: җылылыкны бирүне дә, кабул итүне дә вакытында башларга, чөнки гадәттә бу чорда җылыту сезоны башлана».
При использовании информации просьба ссылаться на Управление информационной политики и по связям с общественностью.
Дүшәмбе, 14 сентябрь 2026, 08:20