2026 ел башыннан Кама балалар медицина үзәгенең штаты 68 белгеч белән тулыланды – бу учреждение тарихындагы иң масштаблы кадр җыюларның берсе. Үзәк командасы 26 табиб һәм 42 урта медицина звеносы хезмәткәрен кабул итте.
Яңа табиблар Яр Чаллыга Мәскәү, Чабаксар, Әстерхан, Иркутск, Ульяновск һәм Россиянең башка шәһәрләренең әйдәп баручы федераль һәм республика клиникаларыннан килделәр. Урта медицина персоналын Татарстан медицина көллиятләрен тәмамлаучы шәфкать туташлары, акушеркалар һәм фельдшерлар тулыландырдылар.
«Без хезмәткәрләрнең килүен көтеп утырмыйбыз. Бүген без иң яхшы кадрлар артыннан үзебез барабыз, – дип билгеләп үтте Кама балалар медицина үзәгенең педиатрия ярдәме буенча баш табиб урынбасары Екатерина Сёмушкина. – Табиб аның килүен барлык дәрәҗәләрдә – миллион сум акча бирүдән алып, хезмәт фатиры ачкычлары тапшыруга кадәр – хуплауын күргәч, карар тизрәк кабул ителә. Без гади эш кенә түгел, ә лаеклы старт һәм тотрыклылык тәкъдим итәбез».
Кадрларның мондый агымы республика һәм шәһәр дәрәҗәсендә гамәлдә булган комплекслы ярдәм программасы белән мөмкин булды. Россиянең башка төбәкләреннән һәм якын чит илләрдән Яр Чаллыга күчеп килүче табиблар 1 миллион сум күләмендә түләү ала. Өстәмә рәвештә 800 мең сум күләмендә Татарстан Республикасы Рәисе гранты һәм шәһәр мэриясенең социаль ипотека буенча торак сатып алуга 500 мең сум ярдәме каралган. Әгәр ирле-хатынлы табиблар күчеп килсә, түләүләр һәрберсенә билгеләнә. Белгечләргә уңайлы адаптация өчен хезмәт торагы да бирелә.
При использовании информации просьба ссылаться на Управление информационной политики и по связям с общественностью.
Пәнҗешәмбе, 17 сентябрь 2026, 15:50