Бүген Бөек Ватан сугышы ветераны, тыл хезмәтчәне Халисә Авзалетдин кызы Баһаветдинова үзенең 94 яшьлек туган көнен билгеләп үтә. Россия Федерациясе Президенты Владимир Путин, Татарстан Республикасы Рәисе Рөстәм Миңнеханов, шәһәр мэры Наил Мәһдиев исеменнән ветеранны Автозавод районы хакимияте башлыгы Айрат Хөснуллин котлады.
Халисә Авзалетдин кызы Дәүләт Думасы депутатлыгына кандидат өчен тавыш бирүдә катнашырга һәм үз сайлавын өйдә ясарга теләк белдерде.
Халисә Баһаветдинова Сарман районы Мортыштамак авылында крестьяннарның күп балалы гаиләсендә туган. 1940 елда беренче сыйныфка кергән. 1947 елда җиденче сыйныфны тәмамлаган һәм район үзәгендә укуын дәвам иткән. Анда укуын тәмамлагач, колхозда эшли башлаган, сарыклар көткән.
Мәктәптән соң Халисә Авзалетдин кызы Молотов шәһәрендә төзелеш-монтаж идарәсендә өч ел эшләгән, аннары унынчы сыйныфны тәмамлар өчен авылга кайткан. Аттестат алгач, Алабугага фельдшерлыкка укырга киткән. 1957 елда ветеран Фельдшерлык-акушерлык мәктәбен югары нәтиҗә белән тәмамлаган һәм юллама буенча Ворошилов районына эшкә кайткан. Нуркәй авылында фельдшер булып эшли башлаган, анда 20 ел эшләгән. Шунда ук кияүгә чыккан һәм бәхетле никахта ике ул тәрбияләп үстергәннәр.
1976 елда Яр Чаллыга күчеп килгәннәр. Ире Двигательләр заводында эшләгән. Халисә Авзалетдин кызы хастаханәләрнең берсендә гинекология бүлегендә ике ел эшләгән. Аннары Двигательләр заводының сәламәтлек пунктына күчкән.
Соңрак ветеран 5 нче шәһәр поликлиникасына эшкә урнашкан, аннан 1986 елда лаеклы ялга чыккан. 2 бала, 4 онык, 2 оныкчык тәрбияләгән.
При использовании информации просьба ссылаться на Управление информационной политики и по связям с общественностью.
Якшәмбе, 20 сентябрь 2026, 11:58