«Бердәм Россия» партиясенең Яр Чаллы җирле бүлекчәсе Татарстан Республикасының шефлыгындагы шәһәрләр – Лисичанск һәм Рубежное халкы өчен гуманитар ярдәм җыю башлануын игълан итә.
Хәйрия акциясенә беренче булып Шәһәр Советы депутаты Таһир Алимбәков кушылды.
Татарстан Республикасы үз шефлыгындагы шәһәрләргә даими рәвештә гуманитар йөкләр җибәрә. Ярдәм формалаштыру халык, социаль учреждениеләр һәм махсус хәрби операциядә катнашучыларның теләкләрен исәпкә алып башкарыла.
Гуманитар конвой составына озак саклана торган азык-төлек һәм эчә торган су кабул ителә. Шулай ук шәхси гигиена чаралары һәм көнкүреш химиясе, өлкәннәр һәм балалар өчен кием-салым һәм аяк киеме, балалар товарлары тапшырырга мөмкин. Моннан тыш, төзелеш материаллары һәм инструментлар, шулай ук актуаль ихтыяҗларга туры килгән башка кирәкле әйберләр кабул ителә.
Предприятиеләр, оешмалар, депутатлар, эшмәкәрләр һәм шәһәр халкы, ярдәм җыюга кушылып, уртак эшкә үз өлешләрен кертә алалар.
Гуманитар ярдәм кабул итү пункты: «Бердәм Россия» партиясенең Яр Чаллы җирле бүлекчәсенең иҗтимагый кабул итү бүлмәсе, Академик Рубаненко урамы, 7 нче йорт.
При использовании информации просьба ссылаться на Управление информационной политики и по связям с общественностью.
Чәршәмбе, 23 сентябрь 2026, 14:29