Бүген Яр Чаллыга эш сәфәре белән Татарстан Республикасы Рәисе Рөстәм Миңнеханов килде. Аның беренче тукталыш урыны төзекләндерү тәмамланган Прибрежный паркы булды. Биш ел эчендә монда заманча велосипедта йөрүчеләр өчен юллар, спорт зоналары, уникаль балалар һәм кинологик мәйданчыклар барлыкка килде, ә Лесное күле янындагы территория ял итү өчен уңайлы киңлеккә әйләнде.
«Сезнең монда яхшы урын», – дип билгеләп үтте Рөстәм Миңнеханов Прибрежный паркының яңартылган аллеялары буйлап йөргәндә. Ул яңа җәяүле зоналарны, балалар һәм спорт мәйданчыкларын карады, башкарылган эшләрнең сыйфатын һәм төзекләндерүнең һәр элементының уйланылганлыгын бәяләде.
Сәфәр барышында «Татарстан Республикасы шәһәрләрен үстерү институты» фонды директоры Наилә Нагуманова федераль һәм төбәк финанславы синергиясе турында сөйләде. Шуның ярдәмендә табигатькә масштаблы һәм сак мөнәсәбәтле проектны гамәлгә ашырырга мөмкинлек туды.
При использовании информации просьба ссылаться на Управление информационной политики и по связям с общественностью.
Җомга, 25 сентябрь 2026, 13:00