Татарстан Республикасы буенча Роспотребнадзор идарәсе яңа «автоштрафлар» механизмын кертү алдыннан эшмәкәрләр җәмгыяте белән административ җаваплылыкка автоматик рәвештә җәлеп итү куркынычын кисәтү максатыннан мәгълүмати-мәгърифәт эшен актив алып барды.
Цифрлы маркировканың актуаль мәсьәләләрен һәм автоматик рәвештә административ җаваплылыкка җәлеп итүгә («автоштрафка») китерергә мөмкин булган бозулар исемлеген тикшерү өчен мәйданчыклар булып түбәндәгеләр торды: «Деловая Россия»нең Татарстан төбәк бүлекчәсе, Татарстан Республикасы Сәнәгать һәм сәүдә министрлыгы, Татарстан Республикасы буенча Роспотребнадзор идарәсе.
Цифрлы маркировка мәсьәләләрен тикшерү эшмәкәрләр һәм хакимиятнең нәтиҗәле үзара эш итүе ярдәмендә гамәлгә ашырылды. Түгәрәк өстәл утырышларында әйтелгән ведомстволар вәкилләре генә түгел, ә Татарстан Республикасы Рәисе каршындагы Вәкаләтле вәкил, «ЦРПТ Операторы» ҖЧҖ, «Честный знак» маркировканы яклау үзәге, «Мой бизнес» төбәк үзәге, муниципаль берәмлекләр вәкилләре дә катнашты.
Эшмәкәрләр җәмгыятенә товар әйләнешендә катнашучыга төп таләпләр (касса программа тәэминатын яңарту, кассада рөхсәт режимын дөрес куллану, контроль-касса техникасы көйләүләрен контрольдә тоту һ.б.), шулай ук кертелә торган системаның төп моментлары һәм «автоштрафлар»га китерергә мөмкин булган потенциаль бозулардан саклану өчен үтәлергә тиешле гамәлләр аңлатылды.
«Честный знак» яклау үзәге вәкиле шулай ук автоштрафлар турында «Честный знак» системасының рәсми сайтында сылтама буенча җентекләбрәк белергә мөмкинлек турында әйтте.
Аерым игътибар конкрет бозу төрләренә һәм алар өчен каралган җәзаларга бирелде:
• вакыты үткән товарларны сату вакытында рөхсәт режимын игътибарсыз калдыру индивидуаль эшмәкәр өчен һәр товар берәмлеге өчен 10 мең сум штраф, ә юридик зат өчен – 20 мең сум штрафка китерә;
• тәмәке һәм никотинлы продукциягә минималь һәм максималь бәяләрне бозу өчен 5 меңнән 500 мең сумга кадәр штрафлар каралган – сумма көнлек сату күләменә бәйле;
• «Честный знак» системасында теркәлмәгән сатучы тарафыннан әйтелгән продукцияне сату: бер кассада бер ай эчендә уннан артык берәмлек сатылса, штраф күләме 50 мең сум тәшкил итәчәк.
Хәзерге вакытта «автоштрафлар» механизмын куллану буенча сораулар булганда, товар әйләнешендә катнашучылар Идарә белгечләреннән +7 986 901 03 17 телефоны буенча җавап ала алалар.
Моннан тыш, цифрлы маркировка буенча барлык кызыксындырган сораулар буенча «Мой бизнес» үзәгенең «Честный знак» маркировканы яклау үзәгендә 8 (843) 222 90 64 телефоны буенча көндезге бушлай консультациягә язылырга мөмкин.
«Автоштрафлар» механизмы мәсьәләләре буенча эшмәкәрләр җәмгыяте белән профилактик чаралар Идарә тарафыннан дәвам ителәчәк.
При использовании информации просьба ссылаться на Управление информационной политики и по связям с общественностью.
Сишәмбе, 6 октябрь 2026, 11:13