«Орион» яшьләр үзәгендә «Татарстанның яшел коды» республика фәнни-тикшеренү эшләре конкурсы кысаларында тикшеренү эшләрен яклау узды. Чара республиканың төрле районнарыннан укучыларны һәм студентларны берләштерде, алар үзләренең фәнни эшчәнлек нәтиҗәләрен тәкъдим иттеләр.
Конференция барышында катнашучылар өч төп юнәлеш буенча проектларын якладылар: Татарстан Республикасы районнарының туристик инфраструктурасын үстерү, биологик төрлелекне саклау, шулай ук табигать белән бәйле уникаль җирле гореф-гадәтләрне һәм традицияләрне өйрәнү.
Конкурсантлар туган якны экология күзлегеннән өйрәнеп кенә калмыйча, төбәкнең табигый һәм мәдәни мирасын саклауга, экологик туризмны үстерүгә һәм әйләнә-тирә мохиткә сакчыл мөнәсәбәт формалаштыруга юнәлтелгән үз чишелешләрен тәкъдим иттеләр.
Конкурс Татарстан Республикасы Экология һәм табигать ресурслары министрлыгы һәм Башкарма комитетның яшьләр белән эшләү идарәсе ярдәмендә, Татарстан Республикасы Рәисенең гражданлык җәмгыятен үстерүгә гранты акчаларын кулланып гамәлгә ашырылды.
При использовании информации просьба ссылаться на Управление информационной политики и по связям с общественностью.
Чәршәмбе, 21 октябрь 2026, 08:20