Күп фатирлы йортларны капиталь ремонтлау программасын гамәлгә ашыру йомгаклары турында шәһәр хуҗалыгы һәм халык яшәешен тәэмин итү идарәсе башлыгы Сергей Яцковский чыгыш ясады.
2026 елда ремонт эшләре 106 күп фатирлы йортта 191 төр эш буенча гомуми суммасы 2 011,8 млн сумга башкарылды. Шуларның 483,3 млн сумы – Татарстан Республикасы бюджеты акчалары, 267,34 млн сумы – шәһәр бюджеты акчалары, 1 261,3 млн сумы – торак хуҗалары акчалары. Проект-смета документларын эшләүгә 58,16 млн сум, төзелеш контроленә 31,5 млн сум юнәлтелде. Төзелеш-монтаж эшләренең суммасы 1 922,34 млн сум тәшкил итте.
Электрон аукцион нәтиҗәләре буенча проект-смета документларын эшләү һәм төзелеш-монтаж эшләрен башкару өчен договорлар «Основа» һәм «ВолгоПромСтрой» компанияләре белән төзелде. Договорларда каралган эшләрнең бөтен комплексы тәмамланды. Халык өчен уңайлы булсын өчен инженерлык системаларын ремонтлау кайнар һәм салкын су тәэмин итү һәм җылытуны планлы сүндерү вакытында үткәрелде – бу ике төп төр эшне берьюлы башкарырга һәм сүндерүләрнең гомуми вакытын кыскартырга мөмкинлек бирде.
Эш төрләре киселешендә 2026 елда 22 йортның фасадларын ремонтлау һәм җылыту 594,7 млн сумга, 24 йортның түбәсен ремонтлау 195,4 млн сумга, 67 йортта су тәэмин итү инженерлык системаларын алыштыру 481 млн сумга, 19 йортта су агызу челтәрләрен алыштыру 228,3 млн сумга, 22 йортта җылылык тәэмин итү челтәрләрен алыштыру 280,7 млн сумга, 18 йортта электр тәэмин итү инженерлык системаларын ремонтлау 82,5 млн сумга башкарылды.
Программа ярдәмендә 2025–2026 елларда «Халык контроле» системасы аша күп фатирлы йортларны капиталь ремонтлау мәсьәләләре буенча гражданнарның 321 мөрәҗәгате каралды һәм хәл ителде. Бүгенге көндә шәһәрнең 100% торак фонды йортлары кайнар су әзерләү өчен пластинкалы җылылык алмаштыргычлар белән җиһазландырылган. Фасадларны ремонтлаганда ян стеналарны җылыту эшләре үткәрелә, ә һәр эскиз проекты шәһәрнең баш архитекторы белән килештерелә.
2027 елга 96 күп фатирлы йортта гомуми суммасы 1 623,35 млн сумга капиталь ремонт планлаштырылган: 176,4 млн сумы – Татарстан Республикасы бюджеты акчалары, 267,3 млн сумы – шәһәр бюджеты акчалары, 1 179,6 млн сумы – торак хуҗалары акчалары. Әзерлек эшләре инде алып барыла: проект-смета документлары эшләнә, үлчәү эшләре башкарыла, дефект ведомостьлары төзелә, электроэлемтә линияләре тәртипкә салына, кабель трассалары модернизацияләнә, подваллар һәм чердаклар чистартыла һәм дезинсекция үткәрелә.
При использовании информации просьба ссылаться на Управление информационной политики и по связям с общественностью.
Дүшәмбе, 9 ноябрь 2026, 08:42