Бүген Автозавод районында яшәүче, Бөек Ватан сугышы ветераны һәм тыл хезмәтчәне Александр Николаевич Титов үзенең 96 нчы туган көнен билгеләп үтә. Аның тормыш юлы – Ватанга фидакарь хезмәт итү һәм гаҗәеп рух көченең үрнәге.
Бу истәлекле көнне юбилярны Автозавод районы хакимияте башлыгы урынбасары Елена Әлмөхәммәтова котлады. Ул Россия Федерациясе Президенты Владимир Путин һәм шәһәр мэры Наил Мәһдиев исеменнән котлаулар тапшырды.
Александр Николаевичның балачагы сугышның авыр елларына туры килә. Минзәлә районының Яңа Маҗын авылында күпбалалы гаиләдә туган. 12 яшендә тракторчы ярдәмчесе була, ә 13 яшендә үзе трактор штурвалына утырып, тылда Җиңүне якынайтты.
Сугыштан соң, 1950 елдан 1954 елга кадәр, Александр Николаевич Германиядә Совет гаскәрләренең авиациясендә хәрби хезмәт үтә. Өлкән сержант званиесендә демобилизацияләнеп, туган авылына кайта һәм совхозда бригадир булып хезмәт куя.
1976 елда язмыш Титовлар гаиләсен Яр Чаллыга китерә. Ун елдан артык, 1990 елга кадәр, Александр Николаевич тормышын КАМАЗ заводына багышлап, слесарь булып эшли һәм автогигантның формалашуына шәхси өлешен кертә.
Александр Николаевичның өч баласы, дүрт оныгы һәм сигез оныкчыгы бар.
При использовании информации просьба ссылаться на Управление информационной политики и по связям с общественностью.
Дүшәмбе, 9 ноябрь 2026, 14:18