Продолжая использовать наш сайт, вы соглашаетесь на обработку файлов cookie и сбор пользовательских данных с помощью программы Яндекс Метрика в соответствии с условиями Политики конфиденциальности.
Чәршәмбе, 18 ноябрь 2026 / рус тат / обычная версия

Үзәк китапханәдә 24 ноябрь көнне 13:00дә Яр Чаллы шәһәренең әдәби тормышы өчен әһәмияте вакыйга – «Чаллы сулышы» җыентыгын тәкъдир итү чарасы узачак. Басма шәһәрнең тарихи чорларын һәм КАМАЗ заводының елъязмасын чагылдырган лирик һәм патриотик шигырьләр, поэмаларны үз эченә алды. Китапка җирле авторларның гына түгел, ә республикабыз шагыйрьләренең дә әсәрләре кертелде  – аларның иҗаты туган якның  күләмле һәм җанлы образын тудыра.

Кичә программасында – шагыйрьләрнең чыгышлары: җыентыктан сайланма шигырьләр уку, бу шигъри юлларның тууы, илһам чыганаклары – шәһәрнең матур күренекле урыннары һәм вакыйгалары, туган шәһәргә буган матур хисләр турында авторларның чыгышлары. 

Мәйданчыкта Яр Чаллы авторларының басмалары белән китап күргәзмәсе оештырылачак  – ул Яр Чаллының әдәби йөзен ачып салачак. 

Очрашу символик ишарә белән тәмамланачак: китаплар киң даирә укучыларга барып ирешсен өчен, шәһәр, мәктәп һәм Тукай районы китапханәләренә тапшырылачак. 

Чәршәмбе, 18 ноябрь 2026, 16:00