Галиуллин Наил Фатыйх улы

ГАЛИУЛЛИН Наил Фатыйх улы (15.11.1941, Яшел Үзән шәһәре) – җәмәгать эшлеклесе, ТР атказанган мәдәният хезмәткәре (2001). 1973 елдан КамАЗда –автомобиль заводы парткомы секретаре урынбасары; 1975 елдан – партком секретаре урынбасары, 1979–1984 елларда – «КамАЗ» ҖБ профком рәисе, 1984-1987 елларда – кадрлар әзерләү идарәсе башлыгы, 1987-1988 елларда – «КамАЗ» ҖБ партком секретаре, 1988 елдан – тышкы элемтәләр идарәсе башлыгы, 1991 елдан – «КамАЗ» АҖ  Будапешттагы вәкиллеге җитәкчесе. 1994-1996 елларда – генераль директор урынбасары – Җәмәгатьчелек һәм массакүләм мәгълүмат чаралары белән элемтә үзәге директоры, 1996-2002 елларда – «КамАЗ» АҖ Җәмәгатьчелек белән элемтә үзәге директоры.