Закирҗанов Илдус Борис улы

ЗАКИРҖАНОВ Илдус Борис улы (12.03.1936 Украина ССР Ворошиловград өлкәсе Лисичанск шәһәре) – профсоюз һәм хакимият хезмәткәре. Россиянең атказанган торак-коммуналь хуҗалык хезмәткәре (1995). Яр Чаллы шәһәренең мактаулы гражданы (2000). 1971-2003 елларда Кама автомобиль заводында – РИЗның ярдәмче оснастка цехы башлыгы, 1971-1978 елларда – берләшмәнең профком рәисе, 1978-1992 елларда – «КАМАЗ» АҖ көнкүреш буенча генераль директор урынбасары, 1992-2003 елларда – «КАМАЗжилбыт» ЯАҖ генераль директоры.