Гражданнарның язмача мөрәҗәгатен кабул итү һәм карап тикшерү тәртибе

Гражданнарны кабул итү һәм аларның мөрәҗәгатен карап тикшерү тәртибен регламентлый торган норматив актлар:

Россия Федерациясенең «Россия Федерациясендә гражданнар мөрәҗәгатен карап тикшерү тәртибе турында» 2006 елның 2 маендагы 59-ФЗ номерлы Федераль законы;

«Татарстан Республикасында гражданнар мөрәҗәгатен карап тикшерү тәртибе турында» 2003 елның 12 маендагы 16-ЗРТ номерлы Татарстан Республикасы законы.

Электрон рәвештә җибәрелгән мөрәҗәгать авторларының персональ мәгълүматлары персональ мәгълүматлар турында Россия законнары таләпләрен үтәп саклана һәм эшкәртелә.

Гражданның язмача мөрәҗәгатендә түбәндәгеләр булырга тиеш:

• дәүләт органы яки җирле үзидарә органының исеме, органның адресы яки мөрәҗәгать җибәрелгән вазыйфаи затның исем-фамилиясе, атасының исеме, яки ул биләгән вазыйфаның исеме;

• мөрәҗәгать җибәрүче гражданның исем-фамилиясе, атасының исеме, җавап җибәрелергә тиешле почта адресы;

• мөрәҗәгатьнең эчтәлеге;

• гражданның шәхси имзасы (мөрәҗәгатьне кәгазь йөрткечтә җибәргән очракта) һәм дата.

Сез мөрәҗәгатегезне түбәндәге ысулларның берсе белән җибәрә аласыз:

1. Шәһәрнең рәсми сайты аша: https://nabchelny.ru/company/page/2003/3550;

2. Бердәм портал һәм Республика порталы аша электрон формада;

3. Башкарма комитетның Автозавод районы хакимиятенә кәгазь йөрткечтә яки почта элемтәсе аша түбәндәге адрес буенча: 423826, ТР, Яр Чаллы шәһәре, Шамил Усманов урамы, 112 йорт.

Автозавод районы хакимиятенең эш графигы:

Дүшәмбе – җомга 8.00 дән 17.00 сәгатькә кадәр, төшке ял 12.00 дән 13.00 сәгатькә кадәр.

Гражданнар мөрәҗәгате белән эшләү бүлекчәсе – 106 кабинет, белешмә өчен телефон: 32-98-39.