Капиталь ремонттан соң гомуми үсеш юнәлеше буенча эш алып баручы 63 нче «Энҗекәй» балалар бакчасы ачылды. Мәктәпкәчә учреждение 43 ел элек ачылган, шуннан бирле биредә капиталь ремонт үткәрелмәгән.
Бакча янындагы территориядә яңа парковка барлыкка килде һәм керү юллары киңәйтелде.
«43 ел эксплуатациядән соң, капиталь ремонтсыз балалар бакчасы яңа төсмер алды. Төзүчеләр эшкә бик теләп керештеләр. Шәһәр хакимияте дә капиталь ремонтка формаль булмаган рәвештә якын килде. Балалар бакчасы бинасын гына ремонтлап калмадылар, шәһәр бюджеты хисабына яңа җиһазлар сатып алу өчен акча таптылар, яхшы парковка ясадылар. «Без барыбыз да тумышыбыз белән балачактан» дигән гыйбарәне онытмагыз, шуңа күрә әлеге балачак учреждениесендә һәрвакыт балаларның шатлыклы авазы хөкем сөрсен, ә әти-әниләр балаларын тәрбиячеләрнең сакчыл кулларына ышанып тапшырсын. Киләсе 30-40 ел буе әлеге матур балалар бакчасы безнең балалар, чаллылылар файдасына хезмәт итәр дип уйлыйм», - дип педагогларны һәм ата-аналарны Наил Мәһдиев котлады.
Объектта эшләрне Раил Миңнегалиев җитәкчелегендәге «Стройтрест» Чаллы төзелеш компаниясе алып барды. "Наил Гамбәрович, сезгә, шулай ук оешманың генераль директоры Раил Минегалиевка һәм аның командасына зур рәхмәтебезне җиткерәбез. Төзүчеләр бердәм эшләде, безнең теләкләрне исәпкә алдылар. Эшне сыйфатлы итеп, яхшы итеп башкардылар", - дип уртаклашты балалар бакчасы мөдире Надия Сычева.
Капиталь ремонт бара торган башка балалар бакчаларының мөдирләре дә үзгәртеп коруларның нәтиҗәләрен бәяләргә килгән иде.
При использовании информации просьба ссылаться на Управление информационной политики и по связям с общественностью.
Чәршәмбе, 31 июль 2019, 14:04