Яр Чаллы дәүләт педагогия университетына Франция укытучылары килде

Яр Чаллы дәүләт педагогия университетына Шомон шәһәрендә (Франция) Реймс-Шампань-Арденн университеты каршындагы укытучылар әзерләү буенча югары мәктәп укытучылары килде. Түгәрәк өстәл артында университет ректоры Әлфинур Галиәкбәрова җитәкчелегендәге Франция делегациясе һәм укытучылары киләчәк хезмәттәшлек перспективалары турында фикер алыштылар. Шунысын билгеләп үтәргә кирәк, Франциянең Яр Чаллы дәүләт педагогия университеты белән ун еллык уртак дуслык бәйли. Уку йортының ректоры Әлфинур Галиәкбәрова сүзләренә караганда, быел уку йорты гаять зур бурычлар куя, алар ике якның да хезмәттәшлегенең тагын да югары сыйфатлы нәтиҗәләренә юнәлдерелгән. Быел педагогия һәм психология факультетында төркем тупланган, анда инглиз телендә белем биреләчәк. Димәк, киләсе уку елыннан Франция студентлары бу төркемдә укый алачак: «Без кечкенә, әмма икеләтә диплом алу мөмкинлегенә ышанычлы адымнар белән барабыз», - дип билгеләп үтте Яр Чаллы дәүләт педагогия университетына  ректоры.

Үз чиратында, Реймс шәһәре университеты каршындагы педагогия институты ректоры урынбасары Кастель Фредерик уртак эшчәнлекне ныгытуга уңай бәя бирде һәм югары уку йортлары арасындагы мөнәсәбәтләр хезмәттәшлекнең тагын да югары дәрәҗәсенә күчүен билгеләп үтте. Бу уку елында Франциядән килгән студентлар Үз чиратында, Реймс шәһәре университеты каршындагы педагогия институты ректоры урынбасары Кастель Фредерик уртак эшчәнлекне ныгытуга уңай бәя бирде һәм югары уку йортлары арасындагы мөнәсәбәтләр хезмәттәшлекнең тагын да югары дәрәҗәсенә күчүен билгеләп үтте. 

Бу уку елында Франциядән килгән студентлар Яр Чаллы дәүләт педагогия университетында элеккеге кебек 2-3 атна түгел, ә 3 ай буе белем алачак.  Очрашу нәтиҗәсе булып халыкара инновацион педагогик технологияләр үзәген булдыру планлаштырыла. 

Түгәрәк өстәл артында сөйләшкәннән соң, французларга заманча җиһазлар кулланып, студентларның физик сәламәтлеген һәм психофизиологик хәлен тикшерә торган комплекслы тикшеренүләр лабораториясен тәкъдим иттеләр. Кунаклар үзләре дә экспресс-тестларда бик теләп катнаштылар.