Яр Чаллы шәһәре 2018 ел өчен Россия Төзелеш министрлыгының «Шәһәр тирәлегенең сыйфат индексы» рейтингы нәтиҗәләре буенча иң уңай шәһәр мохите булган иң яхшы моношәһәрләр исемлегенә керде. Моношәһәрләр тормышы өчен мондый уңайлы шартлар 50дән артык дип табылган. Моношәһәрләрне үстерү фонды «5 төзекләндерү адымы» программасы буенча иҗтимагый киңлекләрне төзекләндерү югары бәя бирүнең бер критерие булды.
Шәһәр тирәлеге сыйфатын һәм аны формалаштыру шартларын чагылдыручы индексны исәпләү нәтиҗәләре буенча Яр Чаллы 202 балл җыйды. Шәһәр социаль-ял итү инфраструктурасын актив үстерү өчен шундый югары бәя алды.
Шуны да билгеләп үтәргә кирәк, бәяләүнең бер критерие-шәһәр киңлекләрен: паркларны, скверларны, урамнарны һәм яр буйларын төзекләндерү. Элегрәк «Көндәлек төзекләндерү буенча 5 адым» моношәһәрләрне үстерү фонды программасы кысаларында шәһәрләрдә 1180нән артык шундый проект гамәлгә ашырылган иде. Аларның кайберләре бәяләүдә исәпкә алынды. Чаллыда «5 адым» программасы кысаларында Шишкин бульвары, Азатлык мәйданы, Габдулла Тукай яр буендагы причал белән Кәрим Тинчурин бульвары төзекләндерелгән.
Исегезгә төшерәбез, 2016 елдан 2018 елга кадәр Яр Чаллы илнең иң яхшы 10 моношәһәре исемлегенә кергән иде.
Индекс ел саен Россия Төзелеш министрлыгы тарафыннан шәһәр тирәлегенең алты төрен бәяләү нигезендә төзелә: куркынычсызлык, уңайлылык, экология һәм сәламәтлек, тәңгәллек һәм төрлелек, тирәлекнең хәзерге һәм актуальлеге, идарә итү нәтиҗәлелеге.
При использовании информации просьба ссылаться на Управление информационной политики и по связям с общественностью.
Дүшәмбе, 13 гыйнвар 2020, 15:27