Комсомол районында Бөек Ватан сугышы ветераны Александр Устинович Савицкий 90 яшьлек юбилеен билгеләп үтә. Ветеранны котлау Кама дәүләт Автомеханика техникумында оештырылды, анда Александр Устинович 25 ел педагог булып эшләде.
РФ президенты Владимир Путин һәм Чаллы мэры Наил Мәһдиев исеменнән котлау һәм бүләкләрне юбилярга Комсомол районы администрациясе башлыгы Александр Кислов һәм ТР Дәүләт Советы депутаты Марсель Мингалимов тапшырдылар. Юбилярны студентлар һәм Автомеханика техникумы директоры Фәрит Залакаев тәбрикләде, ул үз вакытында Александр Устинович студентларының берсе була.
Александр Устинович Савицкий Кемерово өлкәсенең Вяземка авылында туа. Урта мәктәпне тәмамлый, аннары киномеханиклар мәктәбендә укыту курслары уза. Сугыш елларында колхозда төрле эшче булып эшли. 1949-1952 елларда танк гаскәрләрендә радист булып хезмәт итә. 1966 елда инженер-механик белгечлеге буенча институтның кичке бүлеген тәмамлый. 1967 елда өйләнә. 1974 елда гаилә Яр Чаллыга күчеп килә. Лаеклы ялга чыкканчы Александр Устинович Автомеханика техникумында техник дисциплиналар укытучысы булып эшли. Хатыны белән бергә ике бала үстергән, бер оныгы һәм бер оныкчыгы бар.
Чәй өстәле артында сөйләшкәндә юбиляр сугыш елларында хезмәт иткән хатирәләре белән уртаклашты. Үзенең мавыгулары турында сөйләде. Хәзер ул үз гаиләсенең шәҗәрәсен төзи, музыканы ярата, аккордеонда уйный, күп укый.
Савицкий Александр Устинович - тыл хезмәтчәне, «1941-1945 еллардагы Бөек Ватан сугышында фидакарь хезмәт өчен» медальләре, шулай ук юбилей медальләре белән бүләкләнгән.
При использовании информации просьба ссылаться на Управление информационной политики и по связям с общественностью.
Дүшәмбе, 20 гыйнвар 2020, 17:07